InuitNation.org-mut Tkilluarit / si

InuitNation.org Qitiusumik Inuiaqatigiinnut iluaqutaasussatut uku siunertarai:

  • Kalaallit Nunaata illersorneqarnissaa piuinnartinneqarnissaatalu; Kalaallit Nunaanni pinngortitaq, avatagiiseq, inuisalu innarlerneqarnissaat uani pineqarput, aatsitassarsiortunik, aatsitassanik uloriartunik qinngornertalinnik (Uran 235 imaluunniit aatsitassat sinnikui ulorianartunik qinngornillit), peqqinnissaq, atungarissaassuseq, Nunallu inoqqaavisa ulorianartorsiortinnginneqarnissaat illersorniarlugit.
  • Illersorniarlugit Inuiaqatigiit Kalaallit peqqarniitsumik naalakkersuinikkut aqunneqannginnissaat, Aammalu suliffeqarfiit tigumatuut Nunanit allaneersut aammalu Naalagaaffiup iluaneersut Kalaallinik Inuiaqatigiinnik atornerluinnginnissaat illersorniarlugit.
  • Qinikkaniit Naalakkersuisunik eqqortumik, ileqqorissumik, akisussaaffilimmillu kiffartuunneqarnissaq ornigivarput.

Orniginartipparput aamma pisortaqarfinni sullissineq inussiarnersumik pissuserissumillu ingerlanneqarnissaa.

Inuit Nation aguniagaraa takorloorlugulu uku Kalaallit Nunaanni atuutinnginnissaat; peqqarniitsumik naalakkersueriaaseq, peqquserluttumik kiffartuussineq, qaffasissunik atorfillit atorfitsik aqqutigalugu atornerluinnginnissaat.

Aammalu anguniangaraarput Naalakkersuinerup iluani aaqqissuussaasumik, akissussaassusilimmik, eqqortumik, ersarissumillu tunngaveqartumik suleriaaseqarnissaq, Nunap Inuinik nakkutigineqartut, suleqatigalugit Avatagiisinut mianerinnittut aammalu Inuit immikkut soqutigisallit.

Suleqatigiissuugut tamanut ajunnginnerpaaq pitsaassuseq aguniarlugu – Meeqqatsinnut, siunissamilu kinguaassatsinnut.

Kissaatigaarput Naalakkersuisugut uagutsinnik/Innuttaasunik qinigaasut Uagutsinnik Innuttaasunik kiffartuussilluartuussasut, aammattaaq pisortani atorfillit tamarmik atorfimminnut piginnaaneqassasut uppernassuseqartumillu sullissinissaat, suliassatik pisussaaffitik tunniunneqarsimasut tunuliaqutigalugit. Upperaarpullu pisortani atorfillitagut qanorluunniit inissisimaffitsik imaluunniit atorfillip taaguutaa apeqqutaatinnagu akulikitsumik, pisussaaffigissagaat, piginnaatitaaffiit, naammassisaqarneq, pisussaaffik tunniunneqarsimasoq, uagut Inuiaqatigiittut tatigisatut tunniussimassarput, naliliinermik iluarsartuutamillu tunuliaqutilimmik utertiffigineqartassalluta, upperaarpullu suliffeqarfimmi paasisimasaqarluarneq kiffartuussilluarnerlu akilersinnaasoq.

Pinngortitap pisuussutai

Suliffeqarfiit suliffeqarfeeqqallu Kalaallit Nunaannut anigaasaliinissaminnut kissaateqartut tamarmik tikkilluaqqusaapput. Kissaatigineqarpallu anigaasaleerusunneq, piumasaqaatigaarput ukunani ineriartortitseqataanissami pisussaaffigalugu anigaasaliiffigeqataaffigissagaat; Inuiaqatigiit, perorsarsimassuseq aammalu inooriaatsittigut maleruagassagut pigaartitagut, taakkulu anguniarneqassallutik suliffeqarfiit suleriaasiat pitsaanerpaaq Nunarsuatsinni atuuttuusoq tunngavigalugu.

Taakku suliffeqarfiit Nunap naqqaniit aatsitassanik qalluinissamut periutsit maleruagassallu pitsaanerpaat atussavaat Avatagiisinut piuaannartitsinissamut innarliinngitsut aammalu saliinissamut periusissat aaqqissuussaalluartut.

Nunap naqqaniit aatsitassanik qalluinissamut akuersissummik akuerineqarnermi tunineqannginnermi piumasaqaataassaaq saliinissamut aningaasanik illuartitsinissamut akuersaaqataanissaq.

Suliffeqarfinni sillimaniarneq pitssanerpaaq pilersikkusupparput piumasaqaateqarnikkut sunaluunniit suliassaq aallartilertinnagu suliffinni sillimaniarneq peqqinnissarlu pingaaruteqarluinnartumik qaffasissumik inissisimanissaat kissaatigaarput arnanut angutinullu suliffeqarfiit suliffigiuminartooqqullugit.

Uku periutsit tallimat suliffeqarfinnut Kalaallit Nunaanni aningaasaleerusuttunut pingaartillugit piumasaqaatigaagut: Suleqatiginnikkusuttut tamaasa suleqatigerusuppagut, suliqatigiillaqqissuseq, nutaaliorneq, pitsaaliuineq,  teknologi-millu atuineq immini akilersinnaasoq. Aammattaaq kissaatiginarpoq suliffeqarfiit nunami suliffimmik anigaasaliisussat anigaasaliiffigeqataaffigissagaat susassaqartitsiviit,  ilinniartuuteqarneq ilinniartitsinelu.

Saaffissaq

Hr. Falke Thue Mikailsen InuitNation.org sinnerlugu avammut kiinnertartuullunilu oqaaseqartartuuvoq. Saaffigineqarsinnaavoq toqqaannartumik una E-Mail aqqutigalugu: ftm@inuitnation.org pisariaqavippallu Tlf aamma piumaneqarsinnaalluni. Organisation inissilluarneqariarpat aammalu quppersagaq inissilluariarpat mail-ikkut qulaani allaqqasumut nassiussisinnaalissaatit taavalu ingerlateqqinneqarlutit inummut apeqqummut imaluunniit piumasamut akisinnaasumut.

Apeqqutissaqaruit imaluunniit oqaasissaqassaguit quppersakkatsinnut uunga bmp@inuitnation.org  allallutit saaffiginnissinnaavutit.

Siunissami qaninnermi Oqalliffissamik quppersakkatsinni pilersitsissamaarpugut aammalu Kalaallit Nunaanni pissutsinik pisimasunillu nutaajunerusunik ikkussuinerulerumaarluta.

cropped-flag-InuitNation.org-09.png

Leave a Reply